កំណាព្យស្ដាយក្រោយដោយសំអាតទី
Fast Internet Connection in Cambodia
កំណាព្យ (ស្តាយក្រោយ) ដោយ សំអាត ទី
Share
Text Size
Normal
Large
Extra Large
ដោយ ៖ អប្សរា
ថ្ងៃពុធ ទី១៧ ខែមីនា ឆ្នាំ២០១០ ម៉ោង ១៧:០៤
រៀបរាប់ដោយៈ សំអាត ទី
កូនដឹងកំហុសដែលកូនបានធ្វើ នេះជាគង្វើមួយសែនអាប្រីយ៍
ធ្វើបាបពុកម៉ែគាត់លែងហាស្ដី កញ្ឆាស្រាស្រីពាលលាគ្រប់យ៉ាង ។
ពុកម៉ែបានប្រាប់មកដល់កូនថា ឱកូនស្នេហាកូនយកតែម្ខាង
បើកូនមានស្រីដូចបើកភ្នែកម្ខាង ថែមស្រាតឹកតាងដូចខ្វាក់ទាំងសង ។
កញ្ឆាអាភៀនគ្រឿងញៀនខ្លាំងក្លា បើជក់កាលណាដូចគេចាប់ចង
វាយដំឈឺចាប់ដល់គ្រួសារផង ពុកម៉ែចំឡងជួយកូនមិនរួច ។
ពុកម៉ែតែងពន្យល់មកកូនថា ខ្លួនឯងទេណាឈឺចាប់ព្រឺព្រួច
ស្ទើររស់ស្ទើរស្លាប់ដូចគេចងខ្នួច មិនងាយស្រាយរួចពីជាតិពិសពុល ។
ត្រីចូលក្នុងលបស្រួលអើយហៅស្រួល ពិបាកសំរួលបើសិនជាជ្រុល
មិនងាយចេញរួចពីទ្រុងអំពល់ កូនគិតឱ្យដល់មុននឹងសំរេច ។
ម៉ែពុករៀបរាប់មានច្រើនកក្ដា ប្រាប់កូនស្នេហាកុំឱ្យឈឺសាច់
គ្រឿងញៀនទាំងឡាយត្រូវកាត់ឱ្យដាច់ ឃើញជៀសជាស្រេចកុំបីចង់ដឹង ។
សភាពក្មេងពាលយកពីកំណើត ពុកម៉ែបង្កើតខំលាតសន្ធឹង
ដុសខាត់ឱ្យស្អាតកែចរិកហ្នឹង ខំកែប៉ុណ្ណឹងចិត្ដមិនរសាយ ។
កម្មពៀរទាន់ហន់ហើយនឹងជាក់ស្ដែង មកប៉ះកូនឯងទើបដឹងចិត្ដម្ដាយ
ថាម៉ែថែកូនដោយគ្មាននឹកស្ដាយ កំឡាំងចិត្ដកាយចង់ឱ្យកូនល្អ
Subscribe to:
Posts (Atom)
No comments:
Post a Comment